Oralda qyzdy qaǵyp ketken politsiia qyzmetkerine qatysty qylmystyq is qozǵaldy, dep habarlaidy "Ult aqparat".
BQO Politsiia departamentiniń baspasóz qyzmetinen túsken málimetke qaraǵanda, oqiǵa keshe saǵat 22.30-da Jáńgir han men E.Brýsilovskii kósheleriniń qiylysynda boldy.
Patrýldik qyzmet inspektory, politsiia aǵa leitenanty, 26 jastaǵy Rinat Baimuqashev qyzmettik kóligimen Oral qalasynda turatyn 21 jastaǵy júrginshini qaǵyp ketken.
Túrli jaraqat alǵan boijetken qalalyq kópbeiindi aýrýhananyń travmatologiialyq bólimshesine jatqyzyldy. Ol ashyq bas-mi jaraqatyn alǵan, bas súiegine, miyna zaqym kelgen, sondai-aq oń jaq buǵanasy synǵan.
Qazirgi kezde R.Baimuqashevqa qatysty QR QK-niń 345-baby 2-bóligi (jol erejesin buzý) boiynsha qylmystyq is qozǵalyp, tergeý amaldary júrgizilýde.
«Sonymen qatar tártiptik komissiianyń sheshimimen ol qyzmet tártibin óreskel buzǵany úshin ishki ister organdarynan shyǵaryldy. Sondai-aq onyń tikelei komandirleri men basshysy tártiptik jaýapkershilikke tartyldy», - dep habarlady BQO Politsiia departamentiniń baspasóz qyzmetinen.
Oǵan qosa, departament basshylyǵy zardap shekken Larisa Beiisovanyń týysqandarynan qaraýyndaǵy qyzmetkerdiń is-áreketi úshin keshirim surap, oǵan barynsha járdem kórsetiletinin jetkizdi.
Eske sala keteiik, budan buryn Oralda politsiia avtokóliginiń 21 jasar qyzdy qaǵyp ketkenin jazǵan bolatynbyz.
