Oralda 10 jasar qyzdy qaǵyp, qashyp ketken júrgizýshi eki aiǵa qamaýǵa alyndy, dep habarlaidy "Ult aqparat".
BQO sotynyń baspasóz qyzmetinen túsken málimetke qaraǵanda, mamandandyrylǵan tergeý soty Valerii Petrýnindi eki aiǵa qamaýǵa alý týraly anyqtaýshynyń ótinishin qanaǵattandyryp, sanktsiialady.
V.Petrýnin QR QK 345-baby 3-bóligi (abaisyzda adam ólimine soqtyrǵan jol erejesin buzý) jáne 347-babyna (jol-kólik oqiǵasy bolǵan jerden ketip qalý) sáikes aiyp taǵyldy.
Kúdikti 20 qarasha kúni «Aýdi A6» avtokóligimen jaiaý júrginshi jolaǵymen ótip bara jatqan jasóspirim qyzdy qaǵyp, qylmystyq jaýapkershilikten jaltarý maqsatynda oqiǵa ornynan qashyp ketken.
Oǵan qosa kólik quralyn basqarýǵa quqyǵy bolmasa da, V.Petrýninniń avtokólikti turaqty aidap júrgendigi anyqtaldy. Sol úshin kóptegen ákimshilik jazaǵa tartylǵan. Sonymen qatar oǵan mekenjai orny boiynsha teris minezdeme berilgen.
Sot qaýlysy zańdy kúshine engen joq.
Eske sala keteiik, budan buryn Oralda 10 jasar qyzdy qaǵyp, qashyp ketken júrgizýshiniń ustalǵanyn, keiin onyń súiegin shatastyryp, basqa bireýlerge berip jibergenderdiń jaýapqa tartylǵanyn jazǵan bolatynbyz.
Sondai-aq osy oqiǵaǵa bailanysty Oral qalasy ákimine sógis jariialandy.
