Oral qalasynda tutqyndy bosatý operatsiiasy sátti ótti, dep habarlaidy "Ult aqparat" QR Ishki ister ministrliginiń baspasóz qyzmetine silteme jasap.
«Oral qalasynda tutqyndy bosatý operatsiiasy ólim-jitimsiz jáne aýyr saldarsyz aiaqtaldy. Politsiia arnaiy jasaǵy qarý men arnaiy qural-jabdyq qoldanbastan qaskúnemdi ustady. Operatsiia saǵat 19-45-te (Nur-Sultan ýaqytymen 20-45-te) aiaqtaldy. Jubaiyn kepilge alǵan azamatpen kelissóz júrgizýshiler saǵat 13-10-nan bastap kelissóz júrgizip, ol 6 saǵattan astam ýaqytqa sozyldy. Dialogqa onyń jaqyn týystary men dostary da aralasty. Uzaqqa sozylǵan kelissózderden keiin ol áielin bosatty jáne sodan keiin ony arnaiy jasaq qyzmetkeri ustady», - dep atap ótedi ministrlikten.
Vedomstvo málimetinshe, tutqynda bolǵan áieldiń aiaǵynda pyshaq jaraqaty bar. Zardap shegýshini meditsina qyzmetkeri qarady jáne qazirgi ýaqytta onymen psihologtar jumys istep jatyr.
Oqiǵa bolǵan mańdaǵy úilerdiń turǵyndary men sol mańǵa jaqyn júrgen adamdar taiaý jerdegi orta mektep ǵimaratyna ornalastyrylyp, jylytý pýnkti jasaqtalǵan.
«QR QK 261 baby boiynsha sotqa deiingi tergeý bastaldy. Qazirgi ýaqytta qorshaý alynyp jatyr. Sodan keiin turǵyndar óz úilerine orala alady», - dedi vedomstvodan.
