Búgin tańerteń №7 jáne №5 baǵyttarda júretin qos avtobýstyń soqtyǵysýy saldarynan jaraqat alǵandar sany 58-ge jetti, dep habarlaidy Ult.kz tilshisi QazAqparat agenttigine silteme jasap.
BQO densaýlyq saqtaý basqarmasynan túsken málimetke qaraǵanda, oblystyq klinikalyq aýrýhanaǵa jetkizilgen 17 adamnyń bireýi jatqyzylǵan. Qalalyq kópbeiindi aýrýhanaǵa 41 adam tússe, sonyń beseýi jatqyzylǵan.
BQO IID jergilikti politsiia qyzmetiniń basshysy, politsiia polkovnigi Manarbek Ǵabdýllinniń aitýynsha, №7 avtobýstyń 1993 jylǵy júrgizýshisi aldyndaǵy kólikterdi basyp ozamyn degende, soǵylyp qalǵan. Ol jerde jyldamdyqty arttyrýǵa bolmaityny jóninde belgi de tur.
Osy oqiǵaǵa bailanysty QR QK 345-baby 1-bóligine bailanysty qylmystyq is qozǵalyp, tergeý amaldary júrgizilýde.
Eske sala keteiik, búgin shamamen saǵat 08.40-ta Shaǵan ózeninen ótetin kópirge taman, Zachagan kenti jaqtan kele jatqan №7 jáne №5 baǵyttarda júretin qos avtobýs soqtyǵysqan bolatyn.
