Oralda koronavirýs juqtyrǵan adam tirkeldi degen jalǵan aqparat tarady, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentinen túsken málimetke qaraǵanda, WhatsApp jelisinde taraǵan aýdiojazbada qalaǵa qarasty Jelaev kentiniń turǵynynan koronavirýs anyqtalyp, aýrýhanaǵa túskendigi aitylǵan.
Bul – jalǵan aqparat. Qazirgi tańda koronavirýsqa qolaisyz elderden kelgen 19 adam turaqty baqylanýda.
Óńirde epidemiologiialyq jaǵdai turaqty, koronavirýs juqtyrǵandar joq.
«Azamattarǵa tek resmi málimetke sený kerektigin, al jalǵan aqparat taratqandardyń qylmystyq jaýapkershilikke tartylatynyn eskertemiz», dep habarlady departamenttiń baspasóz qyzmeti.
