Oralda kópirden sekirmek bolǵan 32 jastaǵy er adam qutqaryldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa 19 sáýir kúni shamamen saǵat 15.11-de 2-baza aýdanyndaǵy kópirde boldy.
Kópirden er adamnyń sekirip ketpek bolyp turǵanyn sol mańnan ótip bara jatqandar habarlaǵan.
Er adamdy mundai qadamǵa barýdan raiynan qaitarǵan BQO politsiia departamenti bastyǵynyń birinshi orynbasary Janbolat Janshin qutqaryp qaldy.
Ýchaskelik politsiia inspektorynyń sózine qaraǵanda, er adam budan buryn birneshe ret urlyq jasaǵany jáne avtokólik rýline mas kúiinde otyrǵany úshin jaýapkershilikke tartylǵan.
«Ol politsiia qyzmetkerleriniń qýdalaýynan keiin kópirden sekirmek bolǵanyn jetkizgen. Alaida bul shyndyqqa sáikes kelmeidi. Er adamdy meditsinalyq kýálandyrýǵa alyp ketti. Aldyn ala málimetke qaraǵanda, ol mas kúiinde bolǵan», dep habarlady vedomstvodan.
