Oral irgesindegi Asan aýyly mańyndaǵy poligonda besinshi kún qatarynan órt sóndirilip jatyr, - dep habarlaidy Tengrinews.kz agenttigi "Moi GOROD" saityna silteme jasap.
BQO Tótenshe jaǵdailar departamenti málimetinshe, "Jaiyq taza qala" seriktestigi ornynda órtti sóndirý jalǵasyp jatyr: órttiń taralýy toqtatylǵan, biraq áli de tutanyp jatyr.
"Bizdiń qyzmetkerler kabel tutanǵan jerdi anyqtady, jinalǵan material kinálilerdi anyqtaý úshin Oral qalalyq PB berilgen", - dedi BQO Tótenshe jaǵdailar departamenti bastyǵynyń orynbasary Rashid Blialov.
"Jaiyq taza qala" JShS poligony 2003 jyldan beri jumys isteidi, onyń jalpy aýdany - 10 gektar. Karerdiń tereńdigi alty metrden asady. Osy jyldar boiyna turmystyq qatty qaldyqtar, aǵash butalary men japyraqtary, sonymen qatar qys mezgilinde qaladaǵy qar poligonǵa shyǵarylǵan. Órtti joiý úshin bir gektar aýmaqtaǵy búkil oshaqty topyraq qabatymen jabý kerek.
"27 tamyzdan bastap "Jaiyq taza qala" JShS men BQO Tótenshe jaǵdailar departamentiniń qyzmetkerleri eki aýysymda órtti sóndirip jatyr. Aýysymda "Jaiyq taza qala" JShS-nen 38 tehnika men 45 jeke quram, BQO Tótenshe jaǵdailar departamentinen – bes tehnika men jeke quramnyń 25 adamy", - dep túsindirdi Rashid Blialov.
Spiker qazirdiń ózinde 6363 tonna topyraq shashylǵanyn, 2054 tonna sý berilgenin atap ótti.
