ورال ٸرگەسٸندەگٸ اسان اۋىلى ماڭىنداعى پوليگوندا بەسٸنشٸ كٷن قاتارىنان ٶرت سٶندٸرٸلٸپ جاتىر, - دەپ حابارلايدى Tengrinews.kz اگەنتتٸگٸ "موي گورود" سايتىنا سٸلتەمە جاساپ.
بقو تٶتەنشە جاعدايلار دەپارتامەنتٸ مەلٸمەتٸنشە, "جايىق تازا قالا" سەرٸكتەستٸگٸ ورنىندا ٶرتتٸ سٶندٸرۋ جالعاسىپ جاتىر: ٶرتتٸڭ تارالۋى توقتاتىلعان, بٸراق ەلٸ دە تۇتانىپ جاتىر.
"بٸزدٸڭ قىزمەتكەرلەر كابەل تۇتانعان جەردٸ انىقتادى, جينالعان ماتەريال كٸنەلٸلەردٸ انىقتاۋ ٷشٸن ورال قالالىق پب بەرٸلگەن", - دەدٸ بقو تٶتەنشە جاعدايلار دەپارتامەنتٸ باستىعىنىڭ ورىنباسارى راشيد بليالوۆ.
"جايىق تازا قالا" جشس پوليگونى 2003 جىلدان بەرٸ جۇمىس ٸستەيدٸ, ونىڭ جالپى اۋدانى - 10 گەكتار. كارەردٸڭ تەرەڭدٸگٸ التى مەتردەن اسادى. وسى جىلدار بويىنا تۇرمىستىق قاتتى قالدىقتار, اعاش بۇتالارى مەن جاپىراقتارى, سونىمەن قاتار قىس مەزگٸلٸندە قالاداعى قار پوليگونعا شىعارىلعان. ٶرتتٸ جويۋ ٷشٸن بٸر گەكتار اۋماقتاعى بٷكٸل وشاقتى توپىراق قاباتىمەن جابۋ كەرەك.
"27 تامىزدان باستاپ "جايىق تازا قالا" جشس مەن بقو تٶتەنشە جاعدايلار دەپارتامەنتٸنٸڭ قىزمەتكەرلەرٸ ەكٸ اۋىسىمدا ٶرتتٸ سٶندٸرٸپ جاتىر. اۋىسىمدا "جايىق تازا قالا" جشس-نەن 38 تەحنيكا مەن 45 جەكە قۇرام, بقو تٶتەنشە جاعدايلار دەپارتامەنتٸنەن – بەس تەحنيكا مەن جەكە قۇرامنىڭ 25 ادامى", - دەپ تٷسٸندٸردٸ راشيد بليالوۆ.
سپيكەر قازٸردٸڭ ٶزٸندە 6363 توننا توپىراق شاشىلعانىن, 2054 توننا سۋ بەرٸلگەنٸن اتاپ ٶتتٸ.
