Oral qalasynda kásiporyn basshysy memlekettik baǵdarlama boiynsha bólingen 143 mln. teńgeden astam qarajatty jymqyrǵan.
Bul týraly QR Qarjy ministrligi Qarjy monitoringi komitetiniń baspasóz qyzmetinen málim boldy, dep habarlaidy QazAqparat.
Komitettiń baspasóz qyzmetine taratqan aqparatqa qaraǵanda, QR QM Qarjy monitoringi komitetiniń Batys Qazaqstan oblysy boiynsha Ekonomikalyq tergeý departamentiniń qyzmetkerleri oblys kásioryndary biriniń direktory QR QK 189-b. 4-b. 2-t., 245-b. 3-b. qarastyrylǵan qylmystyq quqyq buzýshylyqtardy jasaǵany úshin kúdikti retinde ustalyp, qamaýǵa alyndy (QR QPK 128-b. sáikes).
Ustalǵan adam memlekettik satyp alýlarǵa qatysa otyryp, «Nurly jer» memlekettik baǵdarlamasy sheńberinde turǵyn úidi salýǵa bólingen 143 mln. teńgeden astam biýdjet qarajatyn jymqyrǵan.
«Sondai-aq, aiyptalýshy 2017-2018 jyldar aralyǵynda 1,5 mlrd. teńgeden astam somaǵa salyqtardy tóleýden jaltarǵan. Tergeý amaldary jalǵasýda»,-delingen QR QM QMK Baspasóz qyzmeti taratqan aqparatta.
