Foto: Orda.kz
Oral qalasynda "Kachestvo PLUS" qarjy piramidasyn quryp, iri kólemde qarjy urlaǵan qala turǵyny sottaldy. Bas prokýratýranyń málimetinshe, piramida 2019-2020 jyldary jumys istegen, dep habarlaidy "Ult aqparat".
Investitsiialyq joba dep búrkemelep, joǵary tabysqa ýáde bergen piramida qurýshy azamattardan qarjy jinaǵan. Ziiannyń jalpy somasy – 143 million teńge.
Buǵan qosa, aiyptalýshy tutyný jáne turǵyn úi qurylysy kooperativteriniń basshysy retinde ózin taǵaiyndap, taǵy 161 million teńgeni urlaǵan.
Sot ony kináli dep tanyp, 7 jylǵa bas bostandyǵynan aiyrýǵa jáne 10 jyl boiy qarjy uiymdarynda basshylyq laýazymdardy atqarýǵa tyiym salýǵa úkim shyǵardy.
Sot úkimi áli zańdy kúshine engen joq.
