Oralda qarjy piramidasyn qurǵan zergerlik salon anyqtaldy, dep habarlaidy "Ult aqparat".
BQO boiynsha ekonomikalyq tergeý departamentinen túsken málimetke qaraǵanda, qazirgi kezde qala turǵynynyń aryzy negizinde qarjy piramidasyn qurý deregi boiynsha tergeý júrgizilýde.
Aryzdanýshy «B28 Jewelry» zergerlik salonynda 45 myń teńgege zergerlik buiymdarǵa sertifikattar satyp alǵan. Kompaniia oǵan apta saiyn sertifikat qunynyń 7 paiyzy kóleminde syiaqy, oǵan qosa aldaǵy ýaqytta jylyna 364 paiyz deńgeiinde tabysqa jetýge ýáde bergen. Alaida zergerlik salon basshylyǵy qarajat salý shartyn oryndamai, aryzdanýshyny aldap, aqshasyn iemdenip alǵan.
Salon qyzmetkerleri áleýmettik jeliler men messendjerler arqyly aqysy 15 myń teńgeden bastalatyn «sertifikattarǵa» aqsha salymyn jasaýdy syltaýratyp, qarjy piramidasynyń jańa qatysýshylaryn tartyp otyrǵan.
QR QK 217-babyna sáikes qarjy (investitsiialyq) piramidany qurý jáne oǵan basshylyq etý úshin qylmystyq jaýapkershilik qarastyrylǵan (aiypty adam múlki tárkilenip, úsh myń AEK-ke deiingi mólsherde aiyppul salýǵa ne segiz júz saǵatqa deiingi merzimge qoǵamdyq jumystarǵa tartýǵa ne úsh jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrýǵa jazalanady).
«Turǵyndar «B28 Jewelry» zergerlik salonynyń osyndai zańsyz qyzmetinen zardap shekken bolsa, departamenttiń senim telefonyna qońyraý shala alady: 8-7112-53-84-27», dep habarlady BQO boiynsha ekonomikalyq tergeý departamenti.
