Foto: "Moi gorod"
Oral qalalyq sotynyń tergeýshi sýdiasy Nurlan Ǵubashev jumys ornynda kóz jumdy, - dep habarlaidy "Ult aqparat" "Moi gorod" portalyna silteme jasap.
Qaiǵyly oqiǵa búgin tańerteń bolǵan.
BQO densaýlyq saqtaý basqarmasynyń málimetinshe, qońyraý saǵat 9:48-de túsken. 1968 jylǵy er adam jumysta kenetten ózin jaisyz sezingen. Jedel járdemdi shaqyrǵan adamnyń aitýynsha, Ǵubashev daýsy qyryldap, es-tússiz qulaǵan.
BQO politsiia departamenti aqparatty rastady. Marqumnyń denesinde zorlyq-zombylyq belgileri joq.
Azattyq radiosynyń jazýynsha, Nurlan Ǵubashev keiingi jyldary Batys Qazaqstan oblysy tergeý sotynyń tóraǵasy qyzmetin atqarǵan. Onyń aldynda óńirdegi erekshe aýyr qylmys jasaǵandardyń isi qaralatyn qylmystyq ister jónindegi mamandandyrylǵan aýdanaralyq sotynda istegen.
Sol jyldary aimaqtaǵy "daýly isterdi" qaraǵan. Mysaly, 2016 jyly "kóńildesin óltirmek boldy" dep aiyptalǵan Terekti aýdanynyń burynǵy ákimine 11 jyl túrme jazasyn bergen.
2018 jyldyń basynda Ǵubashev "adam óltirdi" dep kúdikke ilingen jasóspirim Daniil Romanovty aqtap shyqqan. Sol kezde adam ólimi bolǵan túni jasóspirimniń tanysyna jibergen habarlamasy basty aiǵaq ekeni aitylǵan. Sýdia "jasóspirimniń adam óltirgenine birde-bir dálel tabylǵan joq" dep aqtaǵan. Sot saityndaǵy aqparatqa qaraǵanda, ol bul jerden 2018 jyly qyrkúiekte ketken.
Eske salaiyq, keshe Túrkistan oblysynyń 58 jastaǵy prokýrory Marat Álihanov jumys ornynda qaitys bolǵany habarlanǵan edi.
