فوتو: "موي گورود"
ورال قالالىق سوتىنىڭ تەرگەۋشٸ سۋدياسى نۇرلان عۇباشەۆ جۇمىس ورنىندا كٶز جۇمدى, - دەپ حابارلايدى "ۇلت اقپارات" "موي گورود" پورتالىنا سٸلتەمە جاساپ.
قايعىلى وقيعا بٷگٸن تاڭەرتەڭ بولعان.
بقو دەنساۋلىق ساقتاۋ باسقارماسىنىڭ مەلٸمەتٸنشە, قوڭىراۋ ساعات 9:48-دە تٷسكەن. 1968 جىلعى ەر ادام جۇمىستا كەنەتتەن ٶزٸن جايسىز سەزٸنگەن. جەدەل جەردەمدٸ شاقىرعان ادامنىڭ ايتۋىنشا, عۇباشەۆ داۋسى قىرىلداپ, ەس-تٷسسٸز قۇلاعان.
بقو پوليتسييا دەپارتامەنتٸ اقپاراتتى راستادى. مارقۇمنىڭ دەنەسٸندە زورلىق-زومبىلىق بەلگٸلەرٸ جوق.
ازاتتىق راديوسىنىڭ جازۋىنشا, نۇرلان عۇباشەۆ كەيٸنگٸ جىلدارى باتىس قازاقستان وبلىسى تەرگەۋ سوتىنىڭ تٶراعاسى قىزمەتٸن اتقارعان. ونىڭ الدىندا ٶڭٸردەگٸ ەرەكشە اۋىر قىلمىس جاساعانداردىڭ ٸسٸ قارالاتىن قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ٸستەگەن.
سول جىلدارى ايماقتاعى "داۋلى ٸستەردٸ" قاراعان. مىسالى, 2016 جىلى "كٶڭٸلدەسٸن ٶلتٸرمەك بولدى" دەپ ايىپتالعان تەرەكتٸ اۋدانىنىڭ بۇرىنعى ەكٸمٸنە 11 جىل تٷرمە جازاسىن بەرگەن.
2018 جىلدىڭ باسىندا عۇباشەۆ "ادام ٶلتٸردٸ" دەپ كٷدٸككە ٸلٸنگەن جاسٶسپٸرٸم دانييل رومانوۆتى اقتاپ شىققان. سول كەزدە ادام ٶلٸمٸ بولعان تٷنٸ جاسٶسپٸرٸمنٸڭ تانىسىنا جٸبەرگەن حابارلاماسى باستى ايعاق ەكەنٸ ايتىلعان. سۋديا "جاسٶسپٸرٸمنٸڭ ادام ٶلتٸرگەنٸنە بٸردە-بٸر دەلەل تابىلعان جوق" دەپ اقتاعان. سوت سايتىنداعى اقپاراتقا قاراعاندا, ول بۇل جەردەن 2018 جىلى قىركٷيەكتە كەتكەن.
ەسكە سالايىق, كەشە تٷركٸستان وبلىسىنىڭ 58 جاستاعى پروكۋرورى مارات ەليحانوۆ جۇمىس ورنىندا قايتىس بولعانى حابارلانعان ەدٸ.
