Oralda gaz aýa qospasy jarylyp, er adam kúiik jaraqatyn aldy, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa 19 qarasha kúni saǵat 05.58-de «Jańa orda» shaǵynaýdanyndaǵy 5 qabatty úide boldy.
Tórtinshi qabattaǵy páterde gaz aýa qospasy jarylyp, 1994 jylǵy er adam kúiik jaraqatyn aldy. Ol qalalyq kópbeiindi aýrýhanaǵa jetkizildi.
«Atalǵan turǵyn moinynan, qolynan, keýdesinen 30-31 paiyz kólemde úshinshi dárejeli kúiik jaraqatyn alǵan. Ol anasymen birge páter jaldap turǵan. Oqiǵa bolǵan kezde anasy úide bolmaǵan. Qazirgi kezde oqiǵanyń mán-jaiy anyqtalyp jatyr», dedi departament bastyǵy Ernur Ótegenov óńirlik kommýnikatsiialar qyzmeti alańynda ótken brifingide.
BQO densaýlyq saqtaý basqarmasynyń baspasóz hatshysy Ainagúl Saqposynovanyń naqtylaýynsha, 30-35 paiyz kúiik jaraqatyn alǵan er adamnyń jaǵdaiy aýyr.
