ورالدا گاز اۋا قوسپاسى جارىلىپ, ەر ادام كٷيٸك جاراقاتىن الدى, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 19 قاراشا كٷنٸ ساعات 05.58-دە «جاڭا وردا» شاعىناۋدانىنداعى 5 قاباتتى ٷيدە بولدى.
تٶرتٸنشٸ قاباتتاعى پەتەردە گاز اۋا قوسپاسى جارىلىپ, 1994 جىلعى ەر ادام كٷيٸك جاراقاتىن الدى. ول قالالىق كٶپبەيٸندٸ اۋرۋحاناعا جەتكٸزٸلدٸ.
«اتالعان تۇرعىن موينىنان, قولىنان, كەۋدەسٸنەن 30-31 پايىز كٶلەمدە ٷشٸنشٸ دەرەجەلٸ كٷيٸك جاراقاتىن العان. ول اناسىمەن بٸرگە پەتەر جالداپ تۇرعان. وقيعا بولعان كەزدە اناسى ٷيدە بولماعان. قازٸرگٸ كەزدە وقيعانىڭ مەن-جايى انىقتالىپ جاتىر», دەدٸ دەپارتامەنت باستىعى ەرنۇر ٶتەگەنوۆ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە.
بقو دەنساۋلىق ساقتاۋ باسقارماسىنىڭ باسپاسٶز حاتشىسى ايناگٷل ساقپوسىنوۆانىڭ ناقتىلاۋىنشا, 30-35 پايىز كٷيٸك جاراقاتىن العان ەر ادامنىڭ جاعدايى اۋىر.
