Oralda garaj órtenip, áiel adamnyń múrdesi tabyldy, dep habarlaidy "Ult aqparat".
BQO TJ departamentiniń baspasóz qyzmetinen túsken málimetke qaraǵanda, oqiǵa 15 qańtar kúni saǵat 23.15-te M.Sholohov kóshesi, 50/1-mekenjaiynda boldy.
«Pobeda» garaj kooperativinde aýmaǵy 40 sharshy metrdi qamtyǵan garaj otqa oranǵan. Órt ornynan áiel adamnyń múrdesi tabyldy.
«Tilsiz jaýdy» aýyzdyqtaýǵa 12 adam, 4 tehnika jumyldyrylyp, saǵat 00.43-te tolyq sóndirildi.
Oqiǵa ornynda Oral qalasy TJ basqarmasy qyzmetkerleri men órt sóndirý qyzmetiniń órtti zertteý zerthanasy jumys istedi.
Órttiń sebebi men kinálilerdi anyqtaý úshin material politsiiaǵa tapsyryldy.
