Oralda er adam áielimen ajyrasqanyn kortej jaldap, atap ótken, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, 16 qarasha kúni saǵat 11.06-da 102 telefonyna «Samal-1» shaǵynaýdanyndaǵy «Arasan» monshasy janynda tóbeles bolyp jatqany jóninde habar túsken.
Politsiia qyzmetkerleri oqiǵa bolǵan jerde 20-dan astam túrli markadaǵy jol talǵamaityn avtokóliktiń turǵanyn anyqtaǵan.
Kóp uzamai atalǵan kortejdi Shyǵys Qazaqstan oblysynyń 34 jastaǵy S. esimdi azamattyń uiymdastyrǵany belgili boldy.
Onyń sózine qaraǵanda, 11 qarasha kúni ol Oral qalasynda turatyn burynǵy zaiybyna kelgen. Buǵan deiin olar ajyrasyp, óz ielikterindegi páterin satyp, onyń qarjysyn bólip alǵan. Osy qarjydan atalǵan azamat alǵashqy kúni 5 avtokólik jaldap júrgen. Odan keiingi kúnderi 20-ǵa deiin jetkizgen. Barlyǵy 60 djipke tapsyrys bergen. Ol óziniń áielimen ajyrasqanyn osylaisha atap ótpek bolǵan.
Jiyrmaǵa tarta avtokólik mán-jaidy anyqtaý úshin Oral qalasy politsiia basqarmasyna jetkizilip, barlyǵy derlik jiberildi. Tek «LINKOLN» avtokóligi arnaiy turaqqa qoiylyp, tiisti qujattarsyz aidaǵany úshin júrgizýshisine ákimshilik hattama toltyryldy.
Eske sala keteiik, budan buryn Oralda er adam 60 djip kóligin jaldap, serýendegenin jazǵan bolatynbyz.
