Oralda Batys Qazaqstan oblysynyń túie palýany, «Syrym» kúres mektebiniń negizin qalaýshy Oralbek Qojageldindi eske alýǵa arnalǵan dziýdodan 2005-2006 jylǵy jasóspirimder arasynda respýblikalyq ashyq týrnir márege jetti, dep habarlaidy "Ult aqparat".
Dástúrli dodanyń ekinshi kúni bes salmaq dárejesi boiynsha chempiondar belgili boldy.
Atap aitqanda, Ersultan Satybaldiev (55 kg, BQO, Qaztalov aýdany), Bekjan Ǵalymjan (60 kg, Oral, №4 balalar-jasóspirimder sport mektebi), Sahib Cherkezli (Oral, sportqa daryndy balalarǵa arnalǵan mamandandyrylǵan oblystyq mektep-internaty), Qasiet Qarqyn (73 kg, ShQO), Dmitrii Fedorov (+73 kg, Resei Federatsiiasy) jeńis tuǵyryna kóterildi.
Osylaisha eki kúnde on salmaq dárejesi boiynsha jeńimpaz-júldegerler anyqtaldy.
Jalpykomandalyq esepte sportqa daryndy balalarǵa arnalǵan mamandandyrylǵan oblystyq mektep-internaty úzdik shyqsa, BQO-nyń Qaztalov aýdany ekinshi, RF komandasy úshinshi orynǵa ie boldy.
Eske sala keteiik, budan buryn Oralda Oralbek Qojageldindi eske alýǵa arnalǵan respýblikalyq týrnir ótip jatqanyn jazǵan bolatynbyz.
