ورالدا باتىس قازاقستان وبلىسىنىڭ تٷيە پالۋانى, «سىرىم» كٷرەس مەكتەبٸنٸڭ نەگٸزٸن قالاۋشى ورالبەك قوجاگەلديندٸ ەسكە الۋعا ارنالعان دزيۋدودان 2005-2006 جىلعى جاسٶسپٸرٸمدەر اراسىندا رەسپۋبليكالىق اشىق تۋرنير مەرەگە جەتتٸ, دەپ حابارلايدى "ۇلت اقپارات".
دەستٷرلٸ دودانىڭ ەكٸنشٸ كٷنٸ بەس سالماق دەرەجەسٸ بويىنشا چەمپيوندار بەلگٸلٸ بولدى.
اتاپ ايتقاندا, ەرسۇلتان ساتىبالديەۆ (55 كگ, بقو, قازتالوۆ اۋدانى), بەكجان عالىمجان (60 كگ, ورال, №4 بالالار-جاسٶسپٸرٸمدەر سپورت مەكتەبٸ), ساحيب چەركەزلي (ورال, سپورتقا دارىندى بالالارعا ارنالعان مامانداندىرىلعان وبلىستىق مەكتەپ-ينتەرناتى), قاسيەت قارقىن (73 كگ, شقو), دميتريي فەدوروۆ (+73 كگ, رەسەي فەدەراتسيياسى) جەڭٸس تۇعىرىنا كٶتەرٸلدٸ.
وسىلايشا ەكٸ كٷندە ون سالماق دەرەجەسٸ بويىنشا جەڭٸمپاز-جٷلدەگەرلەر انىقتالدى.
جالپىكوماندالىق ەسەپتە سپورتقا دارىندى بالالارعا ارنالعان مامانداندىرىلعان وبلىستىق مەكتەپ-ينتەرناتى ٷزدٸك شىقسا, بقو-نىڭ قازتالوۆ اۋدانى ەكٸنشٸ, رف كومانداسى ٷشٸنشٸ ورىنعا يە بولدى.
ەسكە سالا كەتەيٸك, بۇدان بۇرىن ورالدا ورالبەك قوجاگەلديندٸ ەسكە الۋعا ارنالعان رەسپۋبليكالىق تۋرنير ٶتٸپ جاتقانىن جازعان بولاتىنبىز.
