Batys Qazaqstan oblysynyń qylmystyq ister jónindegi mamandandyrylǵan aýdanaralyq sotynda Baýyrjan Hairýllinge qatysty sot úkimi shyqty. Turǵyn úi-kommýnaldyq sharýashylyq, jolaýshylar kóligi jáne avtokólik joldary bóliminiń burynǵy qyzmetkerine qaýipsizdigi joǵary qylmystyq-túzetý júiesi mekemesinde jazasyn óteýmen qatar, 15 jyl bas bostandyǵynan aiyrý jazasy taǵaiyndaldy, - dep habarlaidy Tengrinews.kz tilshisi.
"Hairýllin qatygezdikpen kisi óltirgeni úshin kináli dep tanyldy. Ol daiyndyqpen qylmys jasady. Ol burynǵy áieliniń jumys ornyna jinalmaly pyshaqpen kelip, dene jaraqatyn salǵan. Áiel soqqylardan qorǵanǵysy kelgen. Hairýllin sońǵy soqqyny moinyna tigizgen. Sodan keiin áiel qaitys boldy", - dedi sýdia Baqyt Ermahanov.
Sondai-aq, ol moraldyq ótemaqy retinde 15 million teńge tóleýge mindetteldi.
Eske salaiyq, 2021 jyly 19 sáýirde Baýyrjan Hairýllin burynǵy áieli Ainagúl Hairýllinaǵa 20-dan asa pyshaq jaraqatyn salǵan edi. Marqumnyń artynda eki balasy qaldy. Jábirlenýshi tarap úkimmen kelispei, qatań jaza berýdi surady.
