Oral qalasynda bir kúnde eki jol apatynan bes bala zardap shekti, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, birinshi oqiǵa 25 sáýir kúni shamamen saǵat 21.00-de Syrym Datuly kóshesinde boldy.
1957 jylǵy júrgizýshi «ÝAZ» avtokóligimen kele jatyp, 1979 jylǵy N. degen azamat aidaǵan «VAZ-21214» avtokóligimen soqtyǵysýǵa jol berdi.
Keiin anyqtalǵanyndai, «ÝAZ» avtokóliginiń júrgizýshisi mas kúiinde burylý kezinde jol bermegen.
Jol apaty saldarynan 5 adam zardap shekse, sonyń úsheýi –kámeletke tolmaǵandar.
Sondai-aq shamamen saǵat 23.40-ta 1994 jylǵy júrgizýshi «Nissan Maksima» avtokóligimen Jazira men Almaly (Iablonevaia) kósheleriniń qiylysynda 1985 jylǵy E. aidaǵan «VAZ-21122» avtokóligine jol bermei, túiisken.
Sonyń saldarynan «VAZ-21122» avtokóligi jol belgisine baryp soǵylǵan.
Bul jol-kólik oqiǵasynan jaraqat alǵan úsh bala oblystyq kópbeiindi balalar aýrýhanasyna jetkizildi.
Avtokólikter arnaiy turaqqa qoiyldy.
Oblystyq densaýlyq saqtaý basqarmasynyń naqtylaýynsha, saǵat 21.10-da S.Datuly kóshesi boiyndaǵy «Neftek» janar-jaǵar mai stansasy tusyna jedel járdem shaqyryldy. Jol apatynan anasy men onyń úsh qyzy zardap shekti. 1981 jylǵy áieldiń denesi kógergen. 2001 jylǵy qyz bala miy shaiqalǵan degen kúdikpen oblystyq aýrýhananyń hirýrgiialyq bólimshesine jatqyzyldy. Ishinen jabyq jaraqat alǵan degen kúdikpen 2006 jáne 2008 jylǵy qyzdar oblystyq kópbeiindi balalar aýrýhanasyna jetkizildi.
Saǵat 23.40-ta bolǵan jol apatynan 2009 jáne 2019 jylǵy er balalar, sondai-aq 2014 jylǵy qyzdyń miy shaiqalyp, analarymen birge oblystyq kópbeiindi balalar aýrýhanasyna aparyldy.
