Oralda 21 jastaǵy turǵyn áieldiń 14 mln teńgesin qaryzǵa alyp, qaitarmaǵan, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, atalǵan turǵyn 47 jastaǵy áieldiń senimine kirip, aqshasyn alyp, aldap ketken.
Kúdikti ustalyp, odan eshqaida ketpeý týraly qolhat alyndy.
Qazirgi kezde QR QK 190-baby 3-bóligine (alaiaqtyq) sáikes sotqa deiingi tergeý amaldary júrgizilýde.
Politsiia departamentiniń derekterine qaraǵanda, sońǵy kezde óńirde mundai alaiaqtyq derekteri kóbeiip barady.
Oral qalasynyń 20 jastaǵy turǵyny júrgizýshi kýáligi men áskeri biletti alamyn dep, 480 myń teńgesinen aiyrylǵan. Ol ótken jyldyń qyrkúiek aiynda qujattardy alyp beremin degen alaiaqtyń aldaýyna túsken. Aqyry aldanǵanyn bilip, jarty jyldan keiin politsiiaǵa júgingen. Sonyń nátijesinde 26 jastaǵy K. politsiia qyzmetkerleriniń qolyna tústi.
Taǵy bir, 1968 jylǵy oraldyq turǵyn jarty mln teńgesinen qaǵyldy. 40 jastaǵy áiel onyń senimine kirip, úiinde qurylys jumysyn júrgizemin (saty jasaimyn) dep, aqshasyn alyp ketken. Bul alaiaqtyń da basqa qylmystarǵa qatystylyǵy tekserilýde.
