Oralda jeńil avtokólik aialdamany qiratyp ketti, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa 6 qazan kúni túngi saǵat 23.00-de Gagarin kóshesi «Mehovaia» aialdamasynda boldy.
31 jastaǵy júrgizýshi aidaǵan «Lada Priora» avtokóligi aialdamaǵa baryp soǵylǵan.
Jol apaty saldarynan júrgizýshi men 30 jastaǵy jolaýshy túrli dene jaraqattarymen oblystyq aýrýhanaǵa jetkizildi. Basqa eshkim zardap shekken joq.
«Qazirgi kezde birneshe saraptama taǵaiyndaldy. Sonyń ishinde adamnyń alkogoldik ishimdik ishken-ishpegendigin anyqtaityn sot-himiialyq saraptama júrgiziledi. Sonyń qorytyndysyna sáikes naqty protsessýaldyq sheshim qabyldanady. Sonymen qatar keltirilgen shyǵyn anyqtalý ústinde», dedi QazAqparat tilshisine B.Belgibekov.
BQO politsiia departamenti júrgizýshilerdi jolda júrý erejesine nemquraily qaramai, qaǵidalaryn saqtaýǵa, jaiaý júrginshilerdi belgilengen jerden ótýge shaqyrady.
Oblystyq densaýlyq saqtaý basqarmasy baspasóz qyzmetiniń naqtylaýynsha, 30 jastaǵy er adam synyq jáne jabyq bas-mi jaraqatyn alyp, miy shaiqalǵan. Mas kúiinde bolǵan.
Omyrtqasyna zaqym kelgen 31 jastaǵy er adamnyń da jaǵdaiy aýyr. Qazir ekeýi de jansaqtaý bóliminde jatyr.
