Foto: polisia.kz
Qazir alaiaq ustalyp, qylmystyq jaýapkershilikke tartylýda, dep habarlaidy oblystyq politsiia departamentiniń baspasóz qyzmeti.
Belgili bolǵanyndai, alaiaq ózin uiymdasqan qylmyspen kúres basqarmasynyń qyzmetkerimin dep tanystyryp, aiyppul tóleý qajettiligi týraly jalǵan syltaýmen 1983 jylǵy áieldiń aqshasyn zańsyz alǵan.
"Atalǵan derek boiynsha jedel izdestirý is-sharalary barysynda BQO politsiia departamentiniń ózindik qaýipsizdik basqarmasy men arnaiy maqsattaǵy bólimshe qyzmetkerleri 1995 jylǵy kúdiktini qolǵa túsirdi. Ol óz kinásin tolyq moiyndady. Tintý kezinde bank qosymshasynan úzindi kóshirme jáne eki uialy telefon tárkilendi. Qazirgi ýaqytta atalǵan derek boiynsha QR QK 190-baby 1-bóligine (alaiaqtyq) sáikes sotqa deiingi tergep-tekserý amaldary júrgizilýde", - dep habarlady vedomstvo.
Atalǵan bap boiynsha aiypty dep tanylǵan adamnyń múlki tárkilenip, bir myń ailyq eseptik kórsetkishke deiingi mólsherde aiyppul tóleidi ne sol mólsherde túzeý jumystaryna ne alty júz saǵatqa deiingi merzimge qoǵamdyq jumystarǵa tartylady. Budan bólek, eki jylǵa deiingi merzimge bas bostandyǵy shektelip nemese sol merzimge bas bostandyǵynan aiyrylady.
