Oralda kisi óltirýge oqtaldy dep aiyptalǵan politsiia qyzmetkeri jumysynan qýyldy, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, osy oqiǵaǵa bailanysty qyzmettik tekserý júrgizildi.
Departament janyndaǵy aidaýyl qyzmetiniń qyzmetkeri, politsiia serjanty túngi klýbta jumystan tys ýaqytta bolǵan. Araq ishý barysynda ol mas kúiinde tanysyna pyshaq siltep, aýyr dene jaraqatyn salǵan.
Tártip saqshysy ataǵyna kir keltirgeni úshin atalǵan qyzmetker quqyq qorǵaý organynan bosatyldy.
Oǵan qosa tárbie jumysyn aqsatqany úshin bólimshe jáne vzvod komandirleri de qyzmetterinen airylsa, taǵy birneshe basshy qyzmetkerge qatań tártiptik shara qoldanyldy.
Qazirgi kezde tergeý izoliatorynda otyrǵan burynǵy politsiia qyzmetkerine qatysty QR QK 24-baby 3-bóligi – 99-baby 1-bóligine sáikes tergeý amaldary jalǵasýda. Al jábirlenýshi aýrýhanadan shyqty.
Eske sala keteiik, budan buryn kisi óltirýge oqtaldy degen kúdikpen politsiia qyzmetkeriniń qamaýǵa alynǵanyn jazǵan bolatynbyz.
