Áleýmettik jelilerde jariialanǵan kadr
Batys Qazaqstan oblysynyń politseileri aiaýsyz uryp-soǵylǵan eki áielge qatysty derekti teksere bastady. Qazir kúdikti ustalyp, ýaqytsha ustaý izoliatoryna qamaldy, - dep habarlaidy Tengrinews.kz tilshisi.
Aita keteiik, qorqynyshty kadrlar áleýmettik jelilerde taralǵan edi. Habarlamalarda áielder jerasty ótkelinde ornalasqan kafede óltirilgen bolýy múmkin dep kórsetilgen.
Politseiler basynda bul foto feik ekenin málimdegen edi, biraq biraz ýaqyttan soń osy jaǵdaiǵa qatysty pikir bildirdi.
"8 naýryzda tańǵy saǵat 5 shamasynda belgisiz adam Abai dańǵylyndaǵy "Andegraýnd" kafesinde eki áielge dene jaraqatyn salǵan. Jábirlenýshiler dárigerler teksergennen keiin qalalyq kópbeiindi aýrýhanaǵa jatqyzyldy. Qabyldanǵan sharalar nátijesinde 2000 jyly týǵan er adam anyqtalyp, ustaldy. Bul derek SDTBT-de tirkeldi. Osy jaǵdaiǵa qatysty QR QK 293-baby 2-bóligi (Buzaqylyq) boiynsha sotqa deiingi tergeý amaldary júrgizilip jatyr", - dedi BQO PD baspasóz qyzmeti ókili.
