Foto: BQO politsiia departamentiniń baspasóz qyzmeti
Oral qalasynda politsiia qyzmetkerleri jol erejesin úsh kún ishinde 39 ret buzǵan júrgizýshini ustady, dep habarlaidy "Ult aqparat".
BQO politsiia departamentiniń baspasóz qyzmetinen málim etkenindei, oblys aýmaǵynda jol erejesin buzýshylyqty anyqtaý maqsatynda «SuncarSmartQorgau» júiesi keńinen qoldanylady.
«Atalmysh júieniń kómegimen Resei Federatsiiasynyń memlekettik nómiri kórsetilgen Mitsubishi Galant kóliginiń júrgizýshisi anyqtalyp, qolǵa tústi. Ol qala aýmaǵynda úsh kúnde 39 ret jyldamdyq rejimin arttyrǵan. Aiyppuldyń jalpy somasy — 1 mln teńge. Kólik arnaiy avtoturaqqa qoiyldy. Tekserý kezinde kóliktiń tehnikalyq talaptarǵa sai emestigi jáne ózge de jol erejesin buzý faktileri belgili boldy», - dep habarlady vedomstvodan.
