sýret ashyq derekkózden alyndy
Oralda 17 jastaǵy boijetken segizinshi qabattan sekirip ketti, dep habarlaidy Kazinform agenttigi.
BQO politsiia departamentiniń baspasóz qyzmetinen málim etkenindei, oqiǵa 21 qazanda bolǵan.
«Saǵat 13.20 shamasynda 1 kýrsta oqityn 17 jastaǵy qyz jataqhananyń 8-qabatynan sekirip ketken. Saldarynan aýyr jaraqat alǵan stýdent Oral qalasyndaǵy oblystyq kópbeiindi aýrýhanaǵa jatqyzyldy.
Atalǵan derek boiynsha Oral qalasy politsiia basqarmasynyń Abai politsiia bólimi QR QK 105-baby 3-bóligine sáikes (ózin-ózi óltirýge deiin jetkizý) sotqa deiingi tergeý amaldaryn júrgizýde. Qazirgi kezde oqiǵanyń mán-jaiy anyqtalyp jatyr», - dedi PD ókilderi.
BQO densaýlyq saqtaý basqarmasy baspasóz qyzmetiniń naqtylaýynsha, saǵat 13.40-ta J.Dosmuhamedov kóshesi boiyndaǵy jataqhanadan oblystyq jedel meditsinalyq járdem stantsiiasyna qońyraý shalynǵan. Stýdent qyz bastapqyda jaqyn jerde bolǵandyqtan, oblystyq kópbeiindi aýrýhanaǵa jetkizilgen. Keiin oblystyq kópbeiindi balalar aýrýhanasyna jatqyzylǵan. Qazir jansaqtaý bóliminde, jaǵdaiy óte aýyr. Balalar neirohirýrginiń, travmatologtyń jáne hirýrgtyń baqylaýynda.
