سۋرەت اشىق دەرەككٶزدەن الىندى
ورالدا 17 جاستاعى بويجەتكەن سەگٸزٸنشٸ قاباتتان سەكٸرٸپ كەتتٸ, دەپ حابارلايدى Kazinform اگەنتتٸگٸ.
بقو پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەنٸندەي, وقيعا 21 قازاندا بولعان.
«ساعات 13.20 شاماسىندا 1 كۋرستا وقيتىن 17 جاستاعى قىز جاتاقحانانىڭ 8-قاباتىنان سەكٸرٸپ كەتكەن. سالدارىنان اۋىر جاراقات العان ستۋدەنت ورال قالاسىنداعى وبلىستىق كٶپبەيٸندٸ اۋرۋحاناعا جاتقىزىلدى.
اتالعان دەرەك بويىنشا ورال قالاسى پوليتسييا باسقارماسىنىڭ اباي پوليتسييا بٶلٸمٸ قر قك 105-بابى 3-بٶلٸگٸنە سەيكەس (ٶزٸن-ٶزٸ ٶلتٸرۋگە دەيٸن جەتكٸزۋ) سوتقا دەيٸنگٸ تەرگەۋ امالدارىن جٷرگٸزۋدە. قازٸرگٸ كەزدە وقيعانىڭ مەن-جايى انىقتالىپ جاتىر», - دەدٸ پد ٶكٸلدەرٸ.
بقو دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, ساعات 13.40-تا ج.دوسمۇحامەدوۆ كٶشەسٸ بويىنداعى جاتاقحانادان وبلىستىق جەدەل مەديتسينالىق جەردەم ستانتسيياسىنا قوڭىراۋ شالىنعان. ستۋدەنت قىز باستاپقىدا جاقىن جەردە بولعاندىقتان, وبلىستىق كٶپبەيٸندٸ اۋرۋحاناعا جەتكٸزٸلگەن. كەيٸن وبلىستىق كٶپبەيٸندٸ بالالار اۋرۋحاناسىنا جاتقىزىلعان. قازٸر جانساقتاۋ بٶلٸمٸندە, جاعدايى ٶتە اۋىر. بالالار نەيروحيرۋرگٸنٸڭ, تراۆماتولوگتىڭ جەنە حيرۋرگتىڭ باقىلاۋىندا.
