Foto: IIM
Oral qalasynda iri kólemde aqsha urlady degen kúdikpen 35 jastaǵy er adam ustaldy, dep habarlaidy Ult.kz.
Politsiianyń málimetinshe, kúdikti 6–20 sáýir aralyǵynda jábirlenýshimen tanystyǵyn paidalanyp, onyń páterine erkin kirgen. Ol jatyn bólmeden aqsha qarajatyn jasyryn túrde alyp ketken.
Keltirilgen jalpy shyǵyn 1,6 mln teńgeden asady. Urlanǵan qarajattyń ishinde ulttyq jáne shetel valiýtasy bolǵan.
Jedel-izdestirý sharalary nátijesinde kúdikti anyqtalyp, ustaldy. Ol óz kinásin moiyndap, aqshany qaryzdaryn óteýge jumsaǵanyn aitqan.
Atalǵan derek boiynsha qylmystyq is qozǵalyp, sotqa deiingi tergeý amaldary júrgizilýde.
Politsiia azamattardy jeke múlkin saqtaýǵa muqiiat bolýǵa jáne kúmándi jaǵdailarda dereý quqyq qorǵaý organdaryna habarlaýǵa shaqyrady.
