Oralda 10 jasar qyzdy qaǵyp, qashyp ketken júrgizýshi ustaldy, dep habarlaidy "Ult aqparat".
Budan buryn habarlanǵanyndai, Nur kóshesi 5-úi mańynda belgisiz júrgizýshi 10 jasar qyzdy qaǵyp, boi tasalaǵan bolatyn.
Búldirshin qyz sol jerde kóz jumdy.
Oqiǵa ornyna jedel tergeý tobynan basqa politsiia departamentiniń basshylary baryp, kúdiktini ustaýǵa jeke quram jumyldyryldy.
Nátijesinde qyzdy qaqqan 1986 jylǵy júrgizýshi ustaldy, ol ýaqytsha oqshaýlaý izoliatoryna qamaldy.
Qazirgi kezde QR QK 345-baby 3-bóligi jáne 347-babyna sáikes sotqa deiingi tergeý amaldary júrgizilýde.
