Oral turǵyny ózge elden avtokólik aidap ákelip beremin dep 2 mln astam teńge jymqyrǵan, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, 21 jastaǵy K. turǵyndarǵa basqa memleket aýmaǵynan avtokólik aidap kelemin dep ýáde berip, sýretin áleýmettik jelilerge salǵan.
Ózderine unaǵan avtokólikti alýdy tezdetý úshin aldyn ala aqy suraǵan. Oǵan qosa kólik quraldaryn jóndeýge de óz qyzmetin usynǵan.
Osylaisha alaiaq Oral qalasy turǵyndarynyń 2 mln astam teńgesin iemdenip ketken.
Politsiia qyzmetkerleriniń jedel is-qimyly nátijesinde kúdikti anyqtalyp, qazir ol qamaýda otyr.
Jábirlenýshilerge shyǵyndary óndirildi.
