Oral qalasynyń turǵyny Maksim Iakovchenko áleýmettik jelidegi separatistik úndeýleri úshin sottalatyn boldy, dep habarlaidy Ulysmedia.kz portaly.
Belgili oraldyq jýrnalist Luqpan Ahmediarov qalalyq qylmystyq sot jergilikti turǵynǵa qatysty isti qaraýǵa qabyldaǵanyn aitty.
«Oǵan qylmystyq kodekstiń eki baby – 174 «óshpendilik týdyrý» jáne 180 «separatizm» boiynsha aiyp taǵyldy», - dep jazdy ol Facebook-te.
Aita keteiik, sotqa deiingi tergeý osy jyldyń mamyr aiynda bastalǵan. Oǵan Iakovchenkonyń áleýmettik jelide Qazaqstannyń birqatar qalalaryn «Reseige berý kerek» degen pikiri sebep boldy.
«Men bul týraly sotqa shaqyrý qaǵazynan bildim. Kýáger retinde shaqyryp jatyr. Sot 10 qazanda bastalady», - dep qosty Ahmediarov.
