Oralda 10 jasar qyzdyń qazasynan keiin jol qaýipsizdigi sharalary kúsheitiledi, dep habarlaidy "Ult aqparat".
Bul týraly búgin oblystyq máslihattyń sessiiasy kezinde óńir basshysy Ǵali Esqaliev málim etti.
«Sońǵy kezdegi jol-kólik oqiǵalarynyń kóbeiýi bárimizdi alańdatyp otyr. Ásirese, qarshadai qyzdyń qyrshyn ketýi qabyrǵamyzǵa aiazdai batty. Jol apaty kósheniń jaryqtandyrylmaǵan, qarańǵy tusynda oryn aldy. Osy oqiǵaǵa bailanysty Oral qalasynyń ákimi Abat Shynybekovke sógis jariialandy. Jol qaýipsizdigin qatań qadaǵalaýdy sondai-aq BQO politsiia departamentine tapsyramyn», dedi oblys ákimi Ǵali Esqaliev.
Oǵan qosa oblys ákiminiń orynbasary Amanjol Alpysbaev jetekshilik etetin vedomstvoaralyq sarapshy top quryldy.
Eske sala keteiik, budan buryn Oralda 10 jasar qyzdy qaǵyp, qashyp ketken júrgizýshiniń ustalǵanyn, al qyzdardyń máiitin aýystyryp jibergenderdiń jaýapqa tartylǵanyn jazǵan bolatynbyz.
