Foto: BQO Tótenshe jaǵdailar departamenti
Oral qalasynda «Aiaz»» saýda úii órtendi. Oqiǵa 7 aqpan kúni Qurmanǵazy kóshesi 127/1-mekenjaiynda boldy, dep habarlaidy BQO TJ departamentiniń baspasóz qyzmeti.
«Saǵat 07.05-te bir qabatty «Aiaz» saýda úiinde aýmaǵy 30 sharshy metr materialdyq zattar, tóbe jaqtaýlary otqa orandy. Sondai-aq aýmaǵy 10 sharshy metr ishinara shatyr ishin jalyn sharpydy. Zardap shekkender joq. «Tilsiz jaý» saǵat 08.04-te oqshaýlanyp, 09.40-ta aýyzdyqtaldy. Órtti sóndirýge jeke quramnan 46 adam, 15 tehnika, sondai-aq apattar meditsinasy ortalyǵynan 3 adam, 1 tehnika atsalysty. Qazirgi kezde órttiń shyǵý sebebi, keltirilgen shyǵyn anyqtalý ústinde. Atalmysh saýda úiiniń jalpy aýdany – shamamen 800 sharshy metr», dep habarlady vedomstvodan.
