ورال قالاسىنداعى «اياز» ساۋدا ٷيٸنەن ٶرت شىقتى

فوتو: بقو تٶتەنشە جاعدايلار دەپارتامەنتٸ

ورال قالاسىندا «اياز»» ساۋدا ٷيٸ ٶرتەندٸ. وقيعا 7 اقپان كٷنٸ قۇرمانعازى كٶشەسٸ 127/1-مەكەنجايىندا بولدى, دەپ حابارلايدى بقو تج دەپارتامەنتٸنٸڭ باسپاسٶز قىزمەتٸ.

«ساعات 07.05-تە بٸر قاباتتى «اياز» ساۋدا ٷيٸندە اۋماعى 30 شارشى مەتر ماتەريالدىق زاتتار, تٶبە جاقتاۋلارى وتقا وراندى. سونداي-اق اۋماعى 10 شارشى مەتر ٸشٸنارا شاتىر ٸشٸن جالىن شارپىدى. زارداپ شەككەندەر جوق. «تٸلسٸز جاۋ» ساعات 08.04-تە وقشاۋلانىپ, 09.40-تا اۋىزدىقتالدى. ٶرتتٸ سٶندٸرۋگە جەكە قۇرامنان 46 ادام, 15 تەحنيكا, سونداي-اق اپاتتار مەديتسيناسى ورتالىعىنان 3 ادام, 1 تەحنيكا اتسالىستى. قازٸرگٸ كەزدە ٶرتتٸڭ شىعۋ سەبەبٸ, كەلتٸرٸلگەن شىعىن انىقتالۋ ٷستٸندە. اتالمىش ساۋدا ٷيٸنٸڭ جالپى اۋدانى – شامامەن 800 شارشى مەتر», دەپ حابارلادى ۆەدومستۆودان.