Oral qalasynda 21 qańtardan bastap shekteý sharalary kúsheitiledi, dep habarlaidy "Ult aqparat".
Oral qalasy bas memlekettik sanitar dárigeriniń mindetin atqarýshy Roza Hasenovanyń 19 qańtardaǵy qaýlysyna sáikes saýda úileri men ortalyqtar, bazarlardyń qyzmeti jeksenbi kúnderi toqtatylady.
Qoǵamdyq tamaqtandyrý oryndary osyǵan deiin 09.00-den 23.00-ge deiin jumys istese, endi 20.00-de jabylýy tiis.
Barlyq oiyn-saýyq nysandary, banket zaly, túngi klýb, bar, karaoke, kompiýter, oiyn klýbtary, qorqor, býkmeker keńseleri, biliard, boýling jáne basqa kóńil kóteretin oryndar, menshik nysanyna qaramastan, kezekshi toptardy qospaǵanda, mektepke deiingi balalar mekemeleri jumys jasamaidy.
Memlekettik organdar men kvazimemlekettik uiymdar qyzmetkerleriniń keminde 80 paiyzy qashyqtan jumys isteidi. Basqa da karantin shekteýi saqtalady.
Eske sala keteiik, budan buryn Batys Qazaqstanda indet juqtyrǵan 28 adamnyńjansaqtaý bóliminde jatqanyn jazǵan bolatynbyz.
