Oral qalasynda iri qoima órtenip ketti, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa 10 qyrkúiek kúni qalaǵa qarasty Jelaev kentinde boldy.
Saǵat 02.12-de qoimanyń janyp jatqany jóninde habar tústi.
Oqiǵany barlaý barysynda «Ali» JK aýmaǵynda metall konstrýktsiialarynan jasalǵan, negizgi qoimaǵa japsarlas ornalasqan qoima jáne qaita óńdeý ornyna jóneltý úshin jinalyp qoiylǵan makýlatýranyń órtenip jatqany anyqtaldy.
Órttiń aýmaǵy 648 sharshy metrdi qurady.
Oqiǵa ornynan syiymdylyǵy 40 litrlik 4 ottegi, 50 litrlik 1 gaz ballony, sondai-aq 1 avtotiegish der kezinde shyǵaryldy.
Qaza bolǵandar men zardap shekkender joq.
«Tilsiz jaý» BQO TJ departamentiniń kúshimen (29 qyzmetker, 9 tehnika) saǵat 06.36-da tolyqtai aýyzdyqtaldy.
