Batys Qazaqstan oblysynda sońǵy tirkelgen 18 naýqastyń (ósim – 2,1 paiyz) barlyǵy da – Oral qalasynyń turǵyny, dep habarlaidy "Ult aqparat".
Sonyń ishinde beseýi – meditsina qyzmetkerleri.
Tórt naýqas buryn aýyrǵandarmen qarym-qatynasta bolǵan. 11 adamnan epidemiologiialyq kórsetkish boiynsha, al 3 adamnan profilaktikalyq maqsatta zerthanalyq synama alynǵan.
Naýqastardyń bári de oblystyq juqpaly aýrýlar aýrýhanasyna ornalastyryldy.
Sonymen qatar klinikalyq belgileri joq 23 adam (3 maýsymnan osy kezge deiin barlyǵy – 215) tirkeldi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentinen alynǵan málimetke qaraǵanda, óńirde syrqattanǵandar sany 863-ke jetse, sonyń 451-i jazylyp shyqty.
Qazirgi tańda 32 adam provizorlyq, 135 adam karantindik statsionarda jatsa, 1556 adam úilerinde oqshaýlanǵan.
Oblystyq juqpaly aýrýlar aýrýhanasynyń direktory Nadiia Ahmetovanyń aitýynsha, qazirgi kezde bes adamnyń jaǵdaiy óte aýyr. Eki emdelýshi jasandy tynys alý apparatyna qosylǵan. Buryn aýyr halde bolǵan 2 jasar sábidiń jaǵdaiy jaqsaryp keledi.
