Oral-Aqtóbe jolynda kommertsiialyq júk kólikterlen ǵana aqy alynady, jeńil kólikter úshin bul baǵyt tegin bolmaq, dep habarlaidy "Ult aqparat" «QazAvtoJol» ulttyq kompaniiasyna silteme jasap.
Kompaniia baspasóz qyzmetiniń málimetinshe, Aqtóbe jáne Batys Qazaqstan oblystarynda ótken qoǵamdyq tyńdaýlarda aqyly joldardyń basty artyqshylyqtary talqylanǵan.
«Nurly jol» baǵdarlamasy jáne Uly Jibek jolyn jańǵyrtý jobasy sheńberinde zamanýi úlgide qaýipsiz joldar salýda. Kúre joldardyń sapasyn saqtap kútip ustaý úshin respýblikanyń batys óńirlerinde jolaqysynyń ashyq júiesin engizý josparlanyp otyr.
«Oral jáne Aqtóbe qalalaryn, sondai-aq Aqtóbe jáne Batys Qazaqstan oblystarynyń 20-dan astam eldi mekenin jalǵaityn jol da jaqynda aqyly bolady. Dálirek aitqanda, jańa tehnologiiany qoldana otyryp jáne zamanaýi halyqaralyq qaýipsizdik standartyna sáikes salynǵan uzyndyǵy 281 shaqyrymdyq ýchaske.
Bul avtojolda testilik rejimde jol qozǵalysy qaýipsizdiginiń joǵary deńgeiin jáne jolǵa, onyń jabynyna jáne ilespe infraqurylymǵa turaqty qyzmet kórsetýdi qamtamasyz etýge múmkindik beretin baǵdarlamalyq-apparattyq keshen iske qosylady», delingen habarlamada.
«QazAvtoJol» UK» AQ ókilderi Aqtóbe jáne Batys Qazaqstan oblystarynyń Qobda, Shyńǵyrlaý men Syrym aýdandaryndaǵy qoǵamdyq tyńdaýlarda jergilikti halyqtyń qaýipsizdigin qamtamasyz etýdiń jańa júiesi men jumys qaǵidaty týraly aityp berdi.
Mamandar «Oral-Aqtóbe» avtojolynda pilottyq rejimde jumys isteitin 3 baqylaý arkasy men klienttermen jumys júrgizý ortalyǵy ornatylǵanyn habarlady. Arkalarda ornatylǵan joǵary jyldamdyqty kamera aqyly ýchaske boiynsha avtomobilderdiń jyldamdyǵy men sanyn, joldaǵy jaǵdaidy jáne t. b. tirkeidi.
«Jolda tólem beketteri bolmaidy, onyń ornyna yńǵaily «ashyq» tólem júiesi qoldanylady. Jol boiynda artyq kedergi qoiylmaǵandyqtan keptelis bolmaidy, bul qosymsha qaýipsizdikti qamtamasyz etedi jáne sapar ýaqytyn qysqartady.
Jol júrý tólemi qolma-qol aqshasyz tásilmen jáne aldyn ala tólem boiynsha júrgiziledi. Bul da qaýipsizdik saiasatynyń bir bóligi, óitkeni júrgizýshiler aqy tóleýge nazaryn aýdarmai, alańsyz kólikti júrgize beredi.
Aita ketý kerek, jeńil kólik ieleri Oral-Aqtóbe jolyn tegin paidalanady. Jol júrý aqysy tek kommertsiialyq júk kóliginen alynatyn bolady. Jinalǵan qarajat joldyń ózin-ózi qarjylandyrýyn ǵana emes, sonymen qatar joldaǵy qaýipsizdiktiń joǵary deńgeiin ustap turatyn servis qyzmetin de qamtamasyz etedi», delingen habarlamada.
Mamandardyń aitýynsha, «Oral-Aqtóbe» jolynyń aqyly ýchaskesindegi apparattyq-baǵdarlamalyq keshen arqasynda ózge joldarmen salystyrǵanda neǵurlym yńǵaily jáne qaýipsiz bolady.
