Jalpyulttyq sotsial-demokratiialyq partiia atynan Prezidenttikke kandidat Nurlan Áýesbaevtyń shtaby ashyldy, dep habarlaidy BAQ.KZ tilshisi.
"Bizdiń Qazaqstan boiynsha filialdarymyz oblys ortalyqtarynda, respýblikalyq deńgeidegi qalalarda óz jumysyn bastady. Shtabtar ashyldy. Barlyǵy da úgit-nasihat naýqanyna daiyn. Úgit-nasihat materialdary daiyndyq ústinde. Sondai-aq áleýmettik jelilerde kún saiyn aqparat salyp otyrmyz, endi saǵat saiyn salamyz", - dedi Jalpyulttyq sotsial-demokratiialyq baspasóz qyzmetiniń jetekshisi Maqsut Nasibulov.
Sondai-aq Nasibulov kandidatty tirkeý kezindegi qiynshylyqtardy da aityp ketti.
"Oblystarda bizdiń senimdi ókilderdi tirkegisi kelmedi. Kandidattyń notarialdy senimhatyn surady. Biraq zańda úmitker ózi qol qoiǵan ótinim bolsa da, jaraityny jazylǵan. Biz habarlasyp, sony túsindirdik", - dedi shtabtyń baspasóz hatshysy.
Sonymen qatar, ol Nurlan Áýesbaevtyń Shymkenttegi senimdi ókiliniń kóliginiń dóńgelegin jaryp ketý faktisin de sailaý naýqanymen bailanystyratynyn jetkizdi. Alaida oǵan ázirge eshqandai dálel joq.
"Bizdiń kandidat prezidenttikke úmitker kýáligin sońǵy bolyp aldy. Basqa kandidattar jinaǵan qoldaryn erte sanap bitirdi. Biz eń sońǵy bolyp tirkeldik. Sondyqtan ýaqyttyń tyǵyzdyǵy bolmasa, baǵytymyz aiqyn, daiyndyǵymyz jaqsy", - dedi Maqsut Nasibulov.
