Facebook / Saiyn Borbasov
19 naýryzda Májilis jáne máslihat depýtattaryn kezekten tys sailaý ótedi. Onda 12 mln-ǵa jýyq azamat daýys berip, óz tańdaýyn jasai alady.
Endi Májilis depýtattarynyń 70 paiyzy partiialyq tizim arqyly, al qalǵan 30 paiyzy bir mandatty okrýgterden sailansa, oblystar men respýblikalyq mańyzy bar qalalardaǵy máslihat depýtattary da aralas júie boiynsha sailanady. Depýtattardyń 50 paiyzy bir mandattyq júie arqyly, 50 paiyzy partiialyq tizim boiynsha ótedi. Al aýdan jáne oblystyq mańyzy bar qalalardaǵy máslihat sailaýynda azamattar bir mandatty okrýgterden shyqqan kandidattarǵa daýys beredi.
Osy oraida, saiasattanýshy, saiasi ǵylymdar doktory Saiyn Borbasov Ult.kz portalynyń tilshisine bul sailaý arqyly yqpaldy Parlament qalyptastyrý keregin aitty.
Onyń sózinshe, aldymyzda búkil qoǵamdy saiasi jańartý maqsaty tur. Ol - qoǵamdy demokratiialandyrý, demokratiialyq institýttardy kúsheitý, bilik tarmaqtary men bólinisin kúsheitý, negizgi formada «Kúshti Prezident - yqpaldy Parlament - esep beretin Úkimet» jasaý.
«Mine, soǵan bailanysty yqpaldy Parlament jasaý kerek. Jasyratyny joq, burynǵy Májilis eks-prezidenttiń tikelei tizimimen jasalǵan bolatyn. Onyń ishine Toqaev óziniń 4-5 adamyn kirgize aldy. Aidos Sarym, Erlan Sairov siiaqty óziniń birneshe adamyn engizdi. Biraq negizinen Nazarbaevtyń adamdary boldy. Mysaly, keshegi basy daýǵa qalǵan depýtat Azamat Ábildaev degender - Nazarbaevtyń aýylynyń adamdary, rýlastary. Sol Parlamentke qalai kirdi? Olarǵa memlekettiń, ulttyń, eldiń múddesi mańyzdy emes. Ózderiniń qaltasynyń múddesi, klannyń múddesi bolsa boldy. Mine, osyndai adamdar Parlamentte óte kóp. Ony bári bilip otyr, sondyqtan Parlamentti eriksiz taratyp otyr. Áitpese, bes jyl otyrýy kerek qoi. Sondyqtan bul Parlament aýysýy kerek. Yqpaldy Parlament bolý úshin, oǵan yqpaldy adamdar kirýi kerek. 28 adam mojaritarlyq sailaý júiesi boiynsha túsedi ǵoi, osynyń ózi bir qýanysh», – deidi Saiyn Borbasov.
Saiasattanýshy jalpy partiialyq tizim degenge qarsy ekenin jasyrmady. Aitýynsha, mojaritarlyq júie - Frantsiiada ózin aqtaǵan júie. Sol arqyly ózimiz bilikten kórgimiz kelgen adamdardy sailaýǵa múmkindigimiz bar.
Sondai-aq, ol endigi Májiliste kimderdi kórgisi keletinin de ashyq aitty.
«Erlan Sairovtyń da, Aidos Sarymnyń da qaita kelgeni durys. Ártúrli áńgime aitylady, pende bolǵan soń kemshilikteri bolǵan shyǵar, biraq sol siiaqty adamdardyń kelgeni durys. Óz basym oppozitsiiadaǵy azamattardy, atap aitqanda Jasaral Qýanyshalin, Yrysbek Sársenbai, Bolat Ábilov, Janbolat Mamai siiaqty azamattardy kórgim keledi. Sonda Parlament yqpaldy bolar edi, kúsheier edi. Parlamentti dirildetip ustar edi. Sonda ǵana Parlament kúsheiedi», – deidi Saiyn Moldaǵaliuly.
Aita keteiik, 19 qańtarda Prezident Qasym-Jomart Toqaev QR Parlamentiniń jetinshi sailanǵan Májilisin taratý jáne QR Parlamenti Májilisi depýtattarynyń kezekten tys sailaýyn taǵaiyndaý týraly Jarlyqqa qol qoidy. Májilis quramynda 107 depýtat bar edi. Al jańadan jasaqtalatyn Májiliste Qazaqstan halqy Assambleiasy atynan sailanatyn 9 mandat qysqaryp, 98 depýtat qalady jáne olardyń ókilettik merzimi bes jyl bolmaq.
