OPEK+ kelisimine qatysýshy elderdiń ministrler otyrysy beinekonferentsiia formatynda ótti, dep habarlady "Ult aqparat" QR Energetika ministrliginiń baspasóz qyzmetine silteme jasap.
QR Energetika ministri Nurlan Noǵaev sóilegen sózinde atap ótkendei, OPEK+ kelisimine qatysýshy elderdiń birlesken kúsh-jigeri 2020 jyly álemdik munai naryqtaryndaǵy baǵany turaqtandyra aldy. Qazirgi kezdegi qoldanystaǵy kelisim munai salasyna oń serpin berýdi jalǵastyrýda.
Kezdesýdiń qorytyndysy boiynsha kelisimge qatysýshy elder munai óndirýdi qysqartýdyń qazirgi deńgeiin 2021 jyldyń aqpan jáne naýryz ailaryna uzartý týraly sheshim qabyldady.
«Bul rette, Qazaqstan men Resei úshin osy kezeńdegi óndiristi sáikesinshe táýligine 10 jáne 65 myń barrelge kezeń-kezeńmen ulǵaitýdy kózdeitin jeke sharttary kelisildi. Osylaisha, OPEK+ sheńberinde Qazaqstan úshin aqpan jáne naýryz ailaryndaǵy mindettemeler sáikesinshe táýligine 1,427 mln. barreldi jáne 1,437 mln. barreldi quraityn bolady», - delingen habarlamada.
