«EKSPO-2017» halyqaralyq mamandandyrylǵan kórmesi aiasynda Astana qalasynda ótetin Ońtústik Qazaqstan oblysynyń kúnderi aiasynda Ońtústiktiń jeti erekshe tartýy bar. Bul týraly oblys ákiminiń orynbasary Ulasbek Sádibekov Ortalyq kommýnikatsiialar qyzmetinde ótken baspasóz konferentsiiasynda aitty.
Erekshe jeti sharanyń biri Ulttyq kitaphanada Elbasymyzdyń «Bolashaqqa baǵdar: rýhani jańǵyrý» baǵdarlamalyq maqalasy sheńberinde shyǵarylǵan «Tulǵa. Táýelsizdik. Tarih», «Jahan tanyǵan jeti tulǵa» kitaptary men Astana qalasynyń oqýshylar saraiynda «Kúsh atasy - Qajymuqan» animatsiialyq filminiń tusaýkeseri.
Ekinshiden, «Qazmunaigaz» kompaniiasynyń ǵimaratynan bastap, «Nurjol» gúlzary boiymen «Báiterek» alańyna deiin «Túrki eliniń túp tamyry – Ońtústikten mereili Astanaǵa sálem!» atty ejelgi tarihymyzdan syr shertetin buiymdar tielgen túielerdiń, attardyń kerýeni.
Úshinshisi, «Báiterek» alańynda bir ýaqytta 600 jas dombyrashynyń oryndaýyndaǵy kúi. Al tórtinshiden, oblys jastary «Qurban ait» merekesine orai, qoǵamdyq kólikterde adam kóp shoǵyrlanatyn jerlerde 5 myń adamǵa baýyrsaq, tátti nan taratyp, merekemen quttyqtaityn bolady.
Besinshiden, «Qurban ait» merekesiniń birinshi kúninde etnoaýylda 5000 adamǵa arnalyp palaý pisirilip, «1 qaýyn, 1 qarbyz» ataýymen 40 tonna qaýyn-qarbyz áleýmettik tómen otbasylarǵa tegin taratylady. Al «Báiterek» monýmentiniń aldynda ońtústikqazaqstandyq ónertapqysh Bókebaev Erkinbek qurastyrǵan qazaq arbasymen elorda turǵyndary men qonaqtaryna aittyq dám usynylady, bul erekshe sharanyń altynshysy. Jetinshiden, 1-2 qyrkúiek kúnderi eki qabatty aǵylshyn avtobýsymen elordanyń adam kóp shoǵyrlanatyn jerleri men «Máńgilik el», «Saryarqa» jáne t.b. basty kóshelerinde mýzykalyq sherý uiymdastyrylady.
Atalǵan negizgi 7 sharadan basqa da baǵdarlamaǵa sáikes oblystyń salt-dástúrin, ádet-ǵurpyn, mádenieti men bailyǵyn pash etetin jalpy sany 43 mádeni kópshilik is-sharasy ótedi.
OQO ákiminiń baspasóz qyzmeti
