«Eńbek« baǵdarlamasy qolǵa alynǵan 2017 jyldan beri elimizdiń ońtústik óńirlerinen soltústik aimaqtarǵa 26,6 myń adam qonys aýdarǵan. Bul týraly Eńbek jáne halyqty áleýmettik qorǵaý ministrliginiń mamandary redaktsiianyń saýalyna bergen jaýabynda aitty, dep habarlaidy QazAqparat.
«Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy 2017 jyldan beri júzege asyrylýda. Baǵdarlama aiasynda 2017 jyldan bastap quramynda 26,6 myń adamy bar 7,3 myń otbasy jumys kúshi tapshy óńirlerge qonys aýdardy», - dep jazady vedomstvo ókilderi.
Osynsha adamnyń jańa mekenge jersinip ketýi úshin memleket qazynasynan 2017 jyldan beri 8,8 mlrd teńge jumsalǵan. Onyń ishinde kóshýge sýbsidiia tóleý úshin 3 mlrd teńge bólingen.
Resmi jaýapta qonys aýdarýshylarǵa jańa turǵylyqty jerinde bastapqy qoldaý kórsetý úshin «Eńbek» baǵdarlamasy aiasynda mynadai sýbsidiialar tólenentini aitylǵan.
- kóshýge – árbir otbasy múshesine bir ret 35 AEK (102,1 myń teńge) mólsherinde;
- otbasyǵa 12 ai boiy ai saiyn turǵyn úidi jaldaý (jalǵa alý) jáne kommýnaldyq qyzmetterge aqy tóleý boiynsha shyǵystardy óteýge 15-ten 30 AEK-ke (43,7 myń teńgeden 87,5 myń teńgege deiin) deiin beriledi.
