Qazaqstan Prezidenti Nursultan Nazarbaev Ońtústik Qazaqstan oblysynyń ákimi Janseiit Túimebaevqa óńirde tsifrlandyrý baǵdarlamasyn júrgizý qandai máselelerdi sheshýge múmkindik beretinin aitty, dep habarlaidy Baq.kz tilshisi.
Nur Otan» partiiasy saiasi keńesiniń keńeitilgen otyrysynda Janseiit Túimebaev óńirde bilim berý, densaýlyq saqtaý salalarynda tsifrlandyrý qalai júzege asyrylyp jatqanyn baiandady.
«Qazirgi tańda aýrýhanalarda, emhanalarda elektrondy túrde úide kezekte turý, naqty málimetter alý máselesi tsifrlandyrý arqyly júzege asýda. Sondai-aq biz kelesi jyldyń ortasyna deiin búkil aýrýhanalar men emhanalarda tolyq kompiýtermen qamtamasyz etýdi josparlap otyrmyz», - dedi oblys ákimi Elbasyǵa.
Elbasy bul jumystar barlyq oblysqa qajet ekenin aitty.
«Bul jumystar barlyq oblysqa qajet. Ásirese, Ońtústik Qazaqstan oblysyna. Bul «oblys basqa salalardan qalyp qaldy» degen sóz emes. Oblystaǵy halyq tyǵyz qonystanǵan. Sondai-aq ózbek aǵaiyndarymen bailanymyz jaqsaryp keledi. Ońtústik Qazaqstanda básekelestik te artýda. Olardyń saýda-sattyqqa, óz jumysyna degen yqylasy bizden góri artyq ekeni belgisi. Eger daiyn bolmasańdar, qalyp qalasyńdar. Barlyq bizneske sol aǵaiyndar keletin bolady. Bul – birinshi másele», - dedi Prezident.
Keiin Nursultan Nazarbaev Ońtústik Qazaqstanda jemqorlyq derekteri basqa oblystarmen salystyrǵanda joǵary ekenin aita kele, muny qalai sheshýge bolatynyn jetkizdi.
«Eshqandai renish bolmaý kerek. Mende neshe túrli habarlar bar. Mektepke muǵalim bolyp ornalasý úshin, eden jýýshy bolý úshin para berý kerek. Mundai jaǵdai basqa oblystarda joq, tek Ońtústikte ǵana bar. Sondyqtan tsifrlandyrý arqyly derekterdi ashyq alýǵa múmkindik týady. Nátijesinde jerdi jalǵa alý, biznes ashý, mektepke jumysqa ornalasý, aýrýhanadaǵy máseleler óz sheshimin tabady. Árine, halyq kóp, jumys oryndary da az shyǵar. Sondyqtan sender tsifrlandyrýǵa kóshpeseńder, joǵaryda atalǵan máseleni sheshe almaisyńdar», - dep túiindedi sózin Qazaqstan Prezidenti.
