قازاقستان پرەزيدەنتٸ نۇرسۇلتان نازارباەۆ وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆقا ٶڭٸردە تسيفرلاندىرۋ باعدارلاماسىن جٷرگٸزۋ قانداي مەسەلەلەردٸ شەشۋگە مٷمكٸندٸك بەرەتٸنٸن ايتتى, دەپ حابارلايدى Baq.kz تٸلشٸسٸ.
نۇر وتان» پارتيياسى ساياسي كەڭەسٸنٸڭ كەڭەيتٸلگەن وتىرىسىندا جانسەيٸت تٷيمەباەۆ ٶڭٸردە بٸلٸم بەرۋ, دەنساۋلىق ساقتاۋ سالالارىندا تسيفرلاندىرۋ قالاي جٷزەگە اسىرىلىپ جاتقانىن باياندادى.
«قازٸرگٸ تاڭدا اۋرۋحانالاردا, ەمحانالاردا ەلەكتروندى تٷردە ٷيدە كەزەكتە تۇرۋ, ناقتى مەلٸمەتتەر الۋ مەسەلەسٸ تسيفرلاندىرۋ ارقىلى جٷزەگە اسۋدا. سونداي-اق بٸز كەلەسٸ جىلدىڭ ورتاسىنا دەيٸن بٷكٸل اۋرۋحانالار مەن ەمحانالاردا تولىق كومپيۋتەرمەن قامتاماسىز ەتۋدٸ جوسپارلاپ وتىرمىز», - دەدٸ وبلىس ەكٸمٸ ەلباسىعا.
ەلباسى بۇل جۇمىستار بارلىق وبلىسقا قاجەت ەكەنٸن ايتتى.
«بۇل جۇمىستار بارلىق وبلىسقا قاجەت. ەسٸرەسە, وڭتٷستٸك قازاقستان وبلىسىنا. بۇل «وبلىس باسقا سالالاردان قالىپ قالدى» دەگەن سٶز ەمەس. وبلىستاعى حالىق تىعىز قونىستانعان. سونداي-اق ٶزبەك اعايىندارىمەن بايلانىمىز جاقسارىپ كەلەدٸ. وڭتٷستٸك قازاقستاندا بەسەكەلەستٸك تە ارتۋدا. ولاردىڭ ساۋدا-ساتتىققا, ٶز جۇمىسىنا دەگەن ىقىلاسى بٸزدەن گٶرٸ ارتىق ەكەنٸ بەلگٸسٸ. ەگەر دايىن بولماساڭدار, قالىپ قالاسىڭدار. بارلىق بيزنەسكە سول اعايىندار كەلەتٸن بولادى. بۇل – بٸرٸنشٸ مەسەلە», - دەدٸ پرەزيدەنت.
كەيٸن نۇرسۇلتان نازارباەۆ وڭتٷستٸك قازاقستاندا جەمقورلىق دەرەكتەرٸ باسقا وبلىستارمەن سالىستىرعاندا جوعارى ەكەنٸن ايتا كەلە, مۇنى قالاي شەشۋگە بولاتىنىن جەتكٸزدٸ.
«ەشقانداي رەنٸش بولماۋ كەرەك. مەندە نەشە تٷرلٸ حابارلار بار. مەكتەپكە مۇعالٸم بولىپ ورنالاسۋ ٷشٸن, ەدەن جۋۋشى بولۋ ٷشٸن پارا بەرۋ كەرەك. مۇنداي جاعداي باسقا وبلىستاردا جوق, تەك وڭتٷستٸكتە عانا بار. سوندىقتان تسيفرلاندىرۋ ارقىلى دەرەكتەردٸ اشىق الۋعا مٷمكٸندٸك تۋادى. نەتيجەسٸندە جەردٸ جالعا الۋ, بيزنەس اشۋ, مەكتەپكە جۇمىسقا ورنالاسۋ, اۋرۋحاناداعى مەسەلەلەر ٶز شەشٸمٸن تابادى. ەرينە, حالىق كٶپ, جۇمىس ورىندارى دا از شىعار. سوندىقتان سەندەر تسيفرلاندىرۋعا كٶشپەسەڭدەر, جوعارىدا اتالعان مەسەلەنٸ شەشە المايسىڭدار», - دەپ تٷيٸندەدٸ سٶزٸن قازاقستان پرەزيدەنتٸ.
