Búgin Ońtústik Qazaqstan oblysynyń ákimi J.Túimebaevtyń tóraǵalyǵymen óńirdegi investitsiialyq jaǵdaidy jaqsartý men investorlardy tartý boiynsha aimaqtyq keńestiń otyrysy ótti, dep habarlaidy "Ult aqparat" ákimdiktiń baspasóz qyzmetine silteme jasap.
Oblysqa investitsiia tartý jáne búgingi jaǵdaidy talqylaý maqsatynda uiymdastyrylǵan basqosýǵa aimaqtyq keńestiń músheleri, jumys istep turǵan jáne áleýetti investorlar men óńirdiń iri kásipkerleri qatysty.
Óńirge investitsiia jumyldyrý boiynsha jyl basynan beri sheteldik investorlarmen 40-tan asa iskerlik kezdesý uiymdastyrylǵanyn aitqan aimaq basshysy jyl basynan beri oblysqa 229,9 mlrd. teńge bolatyn investitsiia tartylǵanyn jetkizdi.
«Ótken jyldyń tiisti kezeńimen salystyrǵanda investitsiia tartý kórsetkishi 131,5 paiyzǵa artqan. Bul respýblikadaǵy úlesiniń 5,7 paiyzyn qurap otyr. Biyl Birikken Arab Ámirligimen meditsinalyq buiymdar men preparattar shyǵarý zaýytyn salý, Reseimen birge Evro-5 talabyna sai janarmai shyǵaratyn munai óńdeý zaýytyn salý kelisimderi túzildi. Ońtústik óńiri munymen qosa Qytaimen birge bietanol, fosfor tyńaiytqyshtary men qýaty 200 MVt kún elektr stantsiiasyn salmaq»,-dedi Janseiit Túimebaev.
Sonymen birge aimaq basshysy óńirde investorlar úshin barlyq jaǵdai jasalǵanyn atap ótti. Budan basqa, ol barlyq azamattardy birlese jumys isteýge shaqyryp, investitsiia tartýǵa kedergi jasaityn laýazymdy tulǵalardyń jaýapkershiligin qaraýdy aitty.
Búginde oblysta aimaqtyq damý institýttarynyń tiimdi júiesi jasalǵan, olardyń negizgi tapsyrmasy óńirge investitsiia tartý jáne investorlarǵa bir tereze qaǵidasy boiynsha qolaily jaǵdai jasaý. Institýttar kásipkerlerge keńes beredi jáne qarjylyq pen infraqurylymdyq kómek kórsetedi.
Sonymen qatar, óńirde 11 indýstriialdy aimaq pen «Ońtústik» arnaiy ekonomikalyq aimaq bar. Sońǵysynyń tiimdi erekshe rejimi men tolyq tartylǵan infraqurylymy bar. 2017 jyly osy «Ońtústik» arnaiy ekonomikalyq aimaǵynda quny 3,4 milliard teńge bolatyn 4 joba júzege asyrylady dep kútilýde. Al indýstrialdy aimaqtarda 8,6 milliard teńgeniń 13 jobasy iske qosylmaq.
Búgingi tańda indýstriialandyrý baǵdarlamasy boiynsha júzege asqan ár 5 joba Ońtústik Qazaqstan oblysyna tiesili. Baǵdarlama aiasynda 8 jyl ishinde oblys aýmaǵynda jalpy quny 208,3 milliard teńge bolatyn 162 joba iske qosyldy. Onyń ishinde investitsiia kólemi 1,2 trillion teńge bolatyn 88 joba júzege asyryldy.
