Májiliste ótken latyn grafikasynyń biryńǵai standartyn engizý týraly parlamenttik tyńdaýy Ońtústik Qazaqstan oblysynda qyzý talqylaýda, dep habarlaidy Ult.kz tilshisi QazAqparat agenttigine silteme jasap.
Oblystyq «Qoǵamdyq kelisim» mekemesiniń konferents-zalynda Ońtústik Qazaqstan oblystyq Qazaqstan halqy Assambleiasynyń keńesi ótti. Jiyndy Ońtústik Qazaqstan oblystyq Qazaqstan halqy Assambleiasy hatshylyǵynyń meńgerýshisi Muratáli Qalmuratov júrgizip otyrdy.
Keńestiń ashylýynda sóz alǵan Ońtústik Qazaqstan oblystyq Qazaqstan halqy Assambleiasy hatshylyǵynyń meńgerýshisi Elbasynyń «Bolashaqqa baǵdar: rýhani jańǵyrý» atty baǵdarlamalyq maqalasyndaǵy negizgi basymdylyq latyn grafikasyn kóshý ekenine toqtaldy. «Ortaq istiń úlken jaýapkershiligin sezine otyryp, biz sizderdi óz oilaryńyzdy ortaǵa salyp latyn qarpine kóshý joldaryn talqylaýǵa shaqyrdym», - dedi M.Qalmuratov.
Keńeste pedagogika ǵylymdarynyń doktory, professor, MǴA akademigi Asma Qalybekova, oblystyq korei etnomádeni ortalyǵynyń tóraiymy Roza Pak jáne ózge azamattar óz oilaryn ortaǵa saldy.
Keńestiń qatysýshylary biraýyzdan latyn qarpine ótý bastamasyn qoldaityndyqtaryn bildirdi. Sondai-aq keńestiń qatysýshylary latyn qarpine ótý jolynda tiimdi usymdardy daiyndaýǵa belsene atsalysatyndyǵyn málimdedi.
Aita keterligi, keńeske oblystaǵy etnomádeni birlestikterdiń tóraǵalary, oblystyq ardagerler keńesi, ǵylymi jáne shyǵarmashylyq intelligentsiia ókilderi, úkimettik emes uiymdar, buqaralyq aqparat quraldarynyń ókilderi, saiasi partiialar men kásipodaqtar jáne depýtattar qatysty.
