«Shabyt» halyqaralyq shyǵarmashylyq jastar festivali óz máresine jetti. Astana qalalyq mádeniet jáne muraǵattar basqarmasynyń uiymdastyrýymen ótken festivalde «Ońtústik Tsirk» óner uiymynyń atynan qatysqan Aisha Sairambai júldeli 3 orynǵa ie boldy. Al, «Áýe sheńberi» nomerimen gimnastikalyq triýkterdi erekshe kórsete bilgen Diana Miralieva Ýkraina memlekettik tsirk direktorynyń arnaiy syilyǵymen marapattaldy. Atalǵan tsirk mekemesiniń kishkentai ónerpazdary shetelden kelgen áriptes aǵa-ápkelerin tańqaldyrdy, dep habarlaidy "Ult aqparat" OQO ákimdiginiń baspasóz qyzmetine silteme jasap.
Biylǵy jyly baiqaý klassikalyq mýzyka, beineleý óneri, ulttyq mýzyka, tsirk óneri, úzdik ádebi shyǵarma jáne akterlyq sheberlik nominatsiialary boiynsha ótti. «Shabyt» festivali - óner álemindegi daryndy jastar úshin úlken sahnaǵa jol ashatyn biregei alań. Halyqaralyq festival biyl jiyrmasynshy ret ótkizilip otyr. Onda qazaqstandyq qatysýshylarmen qatar Ózbekstan, Resei, Bashqurtstan, Latviia, Armeniia siiaqty memleketterden kelgen úmitkerler baq synady. Baiqaý sharttaryna sáikes 7 jastan bastap 29 jas aralyǵyndaǵy ónerpazdar ózara synǵa tústi.
Atalǵan festivaldiń «Tsirk óneri» nominatsiiasy boiynsha Qazaqstan, Qyrǵyzstan, Ózbekstan, Latviia elderinen 40-tan asa talapker qatysty. «Tsirk óneri» nominatsiiasy boiynsha irikteýden ótken 22 nomer kórsetilip, úzdikter júldeli orynmen marapattaldy.
Baiqaýda 8 jasar Aisha Sairambai óziniń keremet kúshikterimen birge «Peppidiń úiretilgen kúshikteri» dep atalatyn nomerin oryndady. Aishanyń batyldyǵyna kýá bolǵan Resei eliniń halyq ártisi Edgard Zapashnyi janýarlarmen jumys jasaý kishkentai ónerpazdardyń qolynan kele bermeitin is ekenin aityp, jyly lebizin bildirdi.
Aita óteiik, qazylar alqasynyń quramynda Qazaqstan, Resei men Tájikstannan kelgen tsirk óneriniń ókilderi boldy.
